All Articles

Better function Names in Javascript

trim-text-using-only-css

السلام عليكم ورحمة الله وبركاته 👋

وانا بعمل شوية تعديلات في مشروع Quran-Tab جه قدامي التعديل ده وحسيت اد ايه انه بالرغم من إن التغيير ده يبان بسيط اوي (مجرد اعادة تسمية لبعض المتغيرات) لكنه مؤثر جدا علي أدائك كمبرمج.

better-function-names-in-javascript-ex1

علي الشمال زي مانتوا ملاحظين المتغير AudioFlag و AudioLoadingFlag سهل جدا انك تتلغبط بينهم وفكل مرة هتفتح ال component ده عشان تعمل تعديل هتاخد شوية وقت عشان توصل لوظيفة كل واحد فيهم.

علي عكس الشاشة اللي عاليمين هتلاقي الاسماء الجديدة بقت isAudioPlaying و isAudioLoading. والاسماء دي بقت بتعكس الوظيفة اللي بتقوم بيها بشكل واضح جدا لاي حد هيشتغل فالـ component ده ومبقتش محتاج انك تبص علي الكود كله عشان تستنج وظيفتهم 👌.

وعشان أسهّل عليك المهمة وميبقاش ليك حجة, أنا جايبلك موقع بسيط بيساعدك جدا فالمهمة دي وإختيار إسم مناسب للـ function بتاعتك بناءً علي الوظيفة اللي بتقوم بيها ونوع الـ function نفسها ونوع الـ return بتاعها كمان والجميل فية كمان انه فية وضع إسمة Ninja mode (الواد الشبح اللي دايما بيكتب كود مليان الغاز وإختصارات وبيطلع عينك عشان تفهمه) وبيوريك ازاي بيسموا الـ functions وبيقولك متبقاش زيهم 😁

لينك الموقع: https://namingmyfunction.vercel.app/

better-function-names-in-javascript-ex2