All Articles

البرمجة مش بس كود

logical-thinking-for-kids

السلام عليكم ورحمة الله وبركاته 👋

كتير من الأهالي بقوا عايزين يدخّلوا أولادهم في مجال البرمجة من صغرهم عشان يضمنوا مستقبلهم ودي حاجة كويسة جدا 👌 ولكن للاسف بيبقي عندهم تخيل ان ده هيحصل عن طريق انهم يدخلوهم مدرسة او كورس في سنتر لما يوصلوا لسن ١٠ سنين أو اكتر ويفضلوا يتعلموا في أكواد ورموز مايفهمهاش غير المبرمجين والفضائيين 👽.

في الحقيقة إن كتابة الكود (الرموز الفضائية) هي أسهل جزء فالبرمجة لان أي حدا يقدر يعملها بعد كام فيديو عاليوتيوب 👨🏻‍💻 لكن التحدي الحقيقي هو فهم المباديء الأساسية فالبرمجة 🤓 وأهمها:

- التفكير المنطقي - logical thinking

- القدرة علي حل المشاكل - problem solving

وفالحقيقة المباديء دي تقدر تنميها عند أولادك من صغرهم (سن ٣ سنين فما فوق) عن طريق اننا نتكلم معاهم ونخليهم يفكروا فحلول لمشاكلهم اليومية البسيطة بشكل منطقي ودورنا هيبقي مجرد التوجية وليس إيجاد الحلول.

كمثال بسيط: في الفيديو ده هتلاقوا أب بيوضح لاولادة إزاي الكمبيوتر بيفهم الاوامر بتاعتنا بشكل حرفي وده بيخلينا لازم نبقي محددين وواضحين جدا واحنا بنتكلم معاه باستخدام مثال بسيط من الحياة اليومية وهو عمل ساندوتش peanut butter 😁