All Articles

فكِّر مثل المبرمجين

think like coder

السلام عليكم ورحمة الله وبركاته 👋

في المقال السابق إتكلمنا عن تعليم الأطفال البرمجة وإزاي إن في أساسيات ومباديء ممكن يتعلموها من قبل مايتعلموا الكود نفسة 🤓. في المقال ده هنتعرّف علي سلسلة كرتون ممتازة تم إنتاجها بواسطة منظمة TED-Ed وموجهه للأطفال وتعتبر مدخل رائع للبرمجة 👌. سلسلة الكرتون دي زي ماواضح من إسمها كده “فكِّر مثل المبرمجين”, وهي عبارة عن بطلة بتواجة مشاكل وعقبات ومعاها روبوت بيساعدها في تخطي العقبات دي. السلسلة دي حلوة جدا لعدة أسباب:

  • بتوريك إزاي المبرمج بيتواصل مع الكمبيوتر عن طريق إعطاءة مجموعة من الأوامر بترتيب محدد 📝
  • بتركز علي أساسيات البرمجة ومصطلحاتها واللي هتلاقيها في كل اللغات زي loop, conditional, variables 👌
  • الكرتون مبذول فية مجهود حلو جدا من حيث القصة والأنيميشن وتفاعلي كمان بحيث بيديك فرصة انك تحل اللغز بنفسك الأول 🕵🏻‍♂️
  • الكرتون مترجم للغات كتير جدا من ضمنهم اللغة العربية 🎉🎉🎉
  • السلسة عبارة عن ١٠ حلقات بس فمش هتمل منها وتقدر تخلصها بسهولة ⏱

مين بقا يقدر يشوف السلسلة دي:

  • مناسبة للأطفال من سن ٧ سنين فما فوق 🧒🏻
  • مناسبة جدا للكبار اللي عايزين يبدأوا فالمجال كمدخل سهل وبسيط وخفيف 🤵🏻
  • مناسبة جدا للمبرمجين اللي بيقدموا محتوي تعليمي سواء مرئي أو مكتوب في إنهم يستلهموا منها بعض الافكار ويعرفوا منها إية المباديء والمصطلحات اللي المفروض يتم التركيز عليها مع المبتدئين (كبار أو صغيرين) 👨🏻‍🏫
  • مناسبة جدا إن الأهل (خصوصا اللي مش فالمجال) يعملوها كنشاط ترفيهي مع أطفالهم بحيث إن الأهل ياخدوا فكرة عن البرمجة وأساسياتها, عشان الأطفال لما يجوا يتكلموا معاهم يلاقوا أهلهم فاهمين وبيتفاعلوا معاهم كمان, بدل مايقفلوا علي نفسهم ويقولوا (أهلنا دقة قديمة) ويدوروا علي حد برة 👨‍👩‍👧‍👦

    مشاهدة ممتعة 🍿